"Xalqaro xotin-qizlarga nisbatan zoʼravonlikka barham berish kuni" munosabati bilan bugun, 23-noyabr kuni universitetimizda Xotin-qizlar kengashi tashabbusi bilan “Biz zoʼravonlikka qarshimiz!” shiori ostida  “Xotin-qizlarga nisbatan tegajogʼlik (xarassment), tazyiq va zoʼravonlik holatlari va ulardan himoyalanish” mavzusida seminar-trening tashkil qilindi.

Unda Viloyat IIB jamoat xavfsizligi xizmati huquqbuzarliklar profilaktikasi boshqarmasi boshligʼining oʼrinbosari, podpolkovnik N.Muminova, jinoyat ishlari boʼyicha Аndijon shahar sudining sudyalari N.Sharipova va B.Turdiev, Oliy Majlisning Inson huquqlari boʼyicha vakili (ombudsman)ning Аndijon viloyatidagi mintaqaviy vakili G.Аbduvaxidova, universitet huquqshunosi M.Sodiqovalar ishtirok etdi.

Seminar davomida ma'ruzachilar Konstitutsiyasiga koʻra, demokratiya — umumiy prinsiplarga asoslanishi, inson, uning hayoti, erkinligi, shaʼni, qadr-qimmati va boshqa huquqlari oliy qadriyat hisoblanishi, shuningdek, hech kim qiynoqqa solinishi, zoʻravonlikka, boshqa shafqatsiz, gʻayriinsoniy yoki inson qadr-qimmatini kamsituvchi muomalaga yoxud jazoga duchor etilishi mumkin emasligi xususida oʻz-fikr mulohazalarini bayon etdilar.