Bugun, 15-noyabr kuni Andijon davlat universitetida 17-noyabr — "Xalqaro talabalar kuni" munosabati bilan tashkil etilgan "Talabalar haftaligi" doirasida davlat oliy ta'lim muassasalari talabalari o'rtasida "Zakovat Quiz" intellektual o'yini o'tkazildi.

Ushbu qiziqarli va murosasiz kechgan bahslarda 38 ta jamoa g'oliblik uchun kurash olib bordi. 9 roundda o'tgan "Zakovat Quiz"da jamoalar kerakli ballarni yig'ib bordilar.

Keskin kurashlar ostida o‘tgan o‘yinda quyidagi jamoalar g'oliblikni qo'lga kiritdi:
1-o'rinni - Andijon davlat universitetining "Universal" jamoasi;
2-o'rinni - Andijon davlat tibbiyot institutining "Из АГМИ с любовью" jamoasi;
3-o'rinni - Andijon davlat chet tillar institutining "Renessans" jamoasi egalladi.

G'olib va sovrindorlar universitet rektorining tashakkurnomasi hamda qimmatbaho esdalik sovg'alari bilan taqdirlandi.