Xabaringiz bor, Oliy ta’lim, fan va innovatsiyalar vazirligi hamda Vazirlik huzuridagi Talaba va o‘quvchilarning ijtimoiy faolligini oshirish markazi tomonidan Rossiya davlat neft va gaz universiteti Toshkent shahridagi filialida tyutorlar faoliyatini tashkil etishga doir dolzarb masalalarga bag‘ishlangan namunaviy seminar-treningda Andijon davlat universitetining ikki nafar tyutori faol ishtirok etib qaytdilar.

Bugun, 31-oktabr kuni universitetning kichik majlislar zalida seminar-treningda ishtirok etgan tyutorlar Zulayho Uzaqova hamda Feruzaxon Fayziyevalar boshchiligida ta'lim muassasamizda tyutorlar faoliyatini tashkil etishga doir dolzarb masalalar mohiyatini yoritib beruvchi kaskad usulida master-klass tashkil etildi.

Seminarda tyutorlar faoliyatida psixologik jarayonlarni o'rganish, talabalarni rag'batlantirish, axborot soatining mazmun-mohiyati va oila-mahalla-jamoat tashkilotlari hamkorligini tashkil etish, TTJ va Ijara xonadonlari bilan ishlash metodikalari bo'yicha master klass darslari olib borildi.