Bugun, 20-oktabr kuni Andijon davlat universitetining katta majlislar zalida prorektor, dekan va professor-o'qituvchilar hamda Matematika fakulteti 1-bosqich talabalari ota-onalari ishtirokida kongress o'tkazildi.

Uchrashuvda Yoshlar masalalari va ma'naviy-ma'rifiy ishlar bo'yicha birinchi prorektor X.Xodjamberdiyev tomonidan taʼlim muassasasidagi oʻzgarishlar, talaba-yoshlarga berilgan keng imkoniyatlar va imtiyozlar, odob-axloq kodeksi, universitet ichki tartib qoidalari, talabalar yotoqxonalaridagi shart-sharoitlar yuzasidan maʼlumotlar berildi.

Shundan so'ng iqtidorli talabalar tomonidan til bayrami munosabati bilan ota-onalar kayfiyatini ko'tarish maqsadida kuy-qo'shiqlar, she'rlar va raqslar ijro etildi.

Uchrashuv so’nggida fakultet rahbariyati tomonidan talabalarning maʼnaviy-axloqiy holatiga salbiy taʼsir koʻrsatuvchi turli huquqbuzarlik va korrupsion holatlarni oldini olishda ota-onalar bilan hamkorlikda ishlash lozimligi alohida taʻkidlanib, ota-onalarning ham fikr-mulohazalari va takliflari tinglandi.