Andijon davlat universitetida talaba-yoshlarning teatrga bo'lgan muhabbatini oshirish, ma’naviy kamolotga yo‘naltirish hamda iqtidorli yoshlarga o‘z imkoniyatlarini, qobiliyatlarini yuzaga chiqarish maqsadida “Talabalar teatr studiyalari” tanlovi o‘tkazildi.

Bugun, 13-oktabr kuni universitetning katta majlislar zalida 8 ta jamoa o'rtasida tanlovning fakultetlararo bosqichi bo’lib o’tdi.

Tanlovda jamoalar o`zaro belgilangan shartlar bo'yicha bellashdilar va quyidagi natijalarda g'oliblikni qo'lga kiritdilar:

“Eng yaxshi spektakl” — Tarix fakultetining "Humo" talabalar teatr jamoasi;
“Dolzarb mavzuning sahnaviy talqini uchun” — Ijtimoiy-iqtisodiyot fakultetining "Teatr" jamoasi;
“Milliy an’ana va qadriyatlarni tarannum etgani uchun” — Filologiya fakultetining "Teatr" jamoasi;
“Eng yaxshi erkak roli" uchun — Pedagogika va san'atshunoslik fakulteti talabasi Ibrohimov Murodillo;
“Eng yaxshi ayol roli" uchun — Matematika fakulteti talabasi Saidxonova Sarvinoz.

Tanlov yakunida g'olib jamoa hamda eng yaxshi erkak va ayol roli nominatsiyasi g'oliblari bazaviy hisoblashning bir baravar miqdoridagi pul mukofoti bilan taqdirlandi.