Bugun, 11-oktabr— "Xalqaro qizlar kuni" munosabati bilan Andijon davlat universitetining ikkinchi talabalar turar joyida "Qizlar — millat tayanchi" shiori ostida talaba-qizlar uchun kechki konsert dasturi tashkil etildi.

Konsert dasturi Yoshlar bilan ishlash, ma'naviyat va ma'rifat bo'limi hamda Xotin-qizlar masalalari bo'yicha maslahat kengashi hamkorligida tashkil etildi. Unda ijodkor talaba-yoshlar sho'x kuy-qo'shiqlar ijro etib, yoshlarimizga ko'tarinki kayfiyat ulashdi.

Ta’lim tizimida bu kabi madaniy tadbirlarning tashkil etilishi, nafaqat talaba-yoshlarning san’atga bo'lgan mehrini oshirishda, shuningdek, milliy-ma’naviy ruhda tarbiyalashda ham muhim o'rin tutadi.