Talabalarning bo'sh vaqtlarini mazmunli o'tkazish, tadbirkorlikka, hunarmandchilikka keng jalb etish masalalarida har tomonlama manzilli qoʻllab-quvvatlash, shuningdek, pazandalik sirlarini o'rgatish maqsadida "Pazanda qiz" ko'rik-tanlovi tashkil etildi.

Bugun, 11-oktabr — "Xalqaro qizlar kuni" munosabati bilan “Qizlar – millat tayanchi” shoiri ostida Andijon davlat universitetining talabalar turar joylarida istiqomat qilayotgan talaba-qizlar o'rtasida "Pazanda qiz" ko'rik-tanlovi bo'lib o'tdi.

Tanlov doirasida talaba-qizlar xamir yoyib, somsa, o'zbek milliy taomlari va turli shirinliklar, salatlar tayyorlab, o'z mahoratlarini namoyish qildilar.

Tanlov yakunida g'oliblar universitet ma'muriyati tomonidan kechki konsert dasturida pul mukofoti, jumladan, 1-o'rin 1,5 mln, 2-o'rin 1 mln, 3-o'rin 500 ming so'mlik vaucherlar hamda estalik sovg'alari bilan taqdirlandi.