Bugun, 6-oktabr kuni Andijon davlat universiteti xotin-qizlar maslahat kengashi raisi boshchiligida Yoshlar bilan ishlash ma'naviyat va ma'rifat bo'limi boshlig'i hamda ijtimoiy faol qizlar ishtirokida "Qizlarjon” klubi faoliyatini takomillashtirish chora-tadbirlari yuzasidan yangi o'quv yilidagi ilk hay'at yigʻilishi bo'lib o'tdi.

Yig'ilishda Xotin-qizlar kengashi raisi taklifi bilan talaba-qizlar orasidan klub sardorlari va bir qator yo'nalishlar bo'yicha mas'ullar saylandi. Bunda:

"Qizlarjon" klubi sardorligiga– Muhlisa Mashrapova;
Uzluksiz ta'lim va tarbiya targ'iboti bo'yicha – Nasiba Ibrohimova;
Ijtimoiy faollikni oshirish bo'yicha – Zulxumor Xotamova;
Sog'lom turmush tarzini targ'ib etish bo'yicha – Gulruh Zulunova;
Ma'naviy tahdidlarga qarshi immunitetni shakllantirish bo'yicha – Durdona Hojimatova hamda Robiya Shuhratovalar tayinlandi.

Uchrashuv so'nggida rahbariyat tomonidan yo'nalish mas'ullariga guvohnomalar tantanali topshirildi va klub ishini samarali tashkil etish maqsadida tizimli ishlarni yo'lga qo'yish vazifalari kelishib olindi.