Bugun, 30-sentabr kuni Andijon davlat universitetining Tarix fakultetida 1-oktabr “Ustoz va murabbiylar kuni”ga bag’ishlangan ma'naviy-ma'rifiy bayram tadbiri bo’lib o’tdi.

Tadbirda fakultet dekani R.Shamsitdinov barcha ustozlarni bayram bilan qutlab, dastlabki bilimlarni bergan maktabdagi ilk oʻqituvchilari, universitetdagi ustozlarini xotirladi.

Tadbir talabalar tomonidan tayyorlangan badiiy sahna koʻrinishlar bilan fayzli oʻtdi. Shuningdek, 2022-2023-oʻquv yilida ilmiy-maʼnaviy yutuqlarga erishgan muallimlar eʼtirof etilib, bir guruh professor-oʻqituvchilarga universitetimiz rektorining tashakkurnomalari oʻqib eshittirildi.

Tadbir so'nggida fakultet rahbariyati tomonidan professor-o’qituvchilarning mashaqqatli mehnatlari e’tirof etilib, ularga qimmatbaho sovg'alar hamda tashakkurnomalar tantanali topshirildi.