Respublikamiz miqyosida "1-oktabr — Ustoz va murabbiylar kuni" munosabati bilan ma'naviy-ma'rifiy tadbirlar tantanali tarzda o'tkazilmoqda. 

Shu jumladan, bugun, 29-sentabr kuni Andijon davlat universitetida "Sizga ta'zim faxriy ustozlar" shiori ostida ma'rifat bog'ining bog'bonlari bo'lgan aziz ustoz va murabbiylarimiz uchun ma'naviy-ma'rifiy tadbir tashkil etildi. Tadbirni universitetimiz rektori o'zining samimiy tabrik va tilaklari bilan ochib berdi.

Tadbir yakunida "1-oktabr — Ustoz va murabbiylar kuni" munosabati bilan universitetimizda o'tkazilgan sport musobaqalarining g'oliblari hamda fidokorona mehnati bilan namuna boʻlayotgan, tizim rivoji uchun oʻzining hissasini qoʻshib kelayotgan bir guruh professor-o’qituvchilar munosib taqdirlandi.