Joriy yilning 18-30-sentabr kunlari "ECAMPUZ — European World Talent Camp for Uzbekistan Sciyentists in Food Sciyence and Technology" loyiha doirasida respublikamizdagi oliy ta'lim muassasalaridan 26 nafar talabalar uchun ikki haftalik trening (CAMP-1) o'tkazilishi rejalashtirilgan.

Quvonarlisi, ushbu nufuzli treningda Andijon davlat universitetining 5 nafar talabasi ham ishtrok etishi belgilangan.

Bugun,16-sentabr kuni universitet rektori, professor Akramjon Yuldashev seminar-treningda ishtirok etish uchun jo'nab ketayotgan talaba-yoshlar bilan uchrashdi va ularga har daqiqa vaqtdan unumli foydalangan holda tajriba va malakalarni oshirib, seminarda faol ishtirok etishlarida omad tiladi.

Ma'lumot o'rnida seminar-treningni o'tkazish uchun Daniya va Ispaniya oliygohlarining tajribali professorlari taklif etilgan.