Joriy yilning 11-sentabr kuni Andijon davlat universitetida talaba-yoshlar o‘rtasida sportning futbol, basketbol, voleybol, stol tennisi, shaxmat turlari bo‘yicha  “Talabalar ligasi” sport musobaqalarining ochilish marosimi bo‘lib o‘tdi. 

Dastlab, O‘zbekiston Respublikasi Davlat madhiyasi yangradi. Tantanali tadbirni universitet rektori, professor Akramjon Yuldashev kirish so‘zi bilan ochib berdi va barcha musobaqa qatnashchilariga omad tiladi. 

Ochilish marosimidan so‘ng, Sport klubi raisi Yegor Кatlov musobaqa qatnashchilarini qoidalari bilan tanishtirdi va belgilangan grafik asosida musobaqalarga start berdi.

Ma'lumot o'rnida hafta davomida talaba-yoshlar shaxmat, stol tennis, futbol basketbol hamda vоleybol sport turlari bo‘yicha bellashadilar.