Ma'lumki, Oliy ta'lim, fan va innovatsiyalar vazirligi hamda bir qator hamkor tashkilotlarning Qo‘shma qarori asosida OTM talabalari o‘rtasida sportning futbol, basketbol, voleybol, stol tennisi, shaxmat turlari bo‘yicha "Talabalar ligasi" o‘tkazish belgilangan.

Andijon davlat universitetida "Talabalar ligasi"ga munosib tayyorgarlik ko‘rish, o‘tkazish va bo‘lajak rejalarni muhokama qilish maqsadida bugun, 9-sentabr kuni Yoshlar masalalari va ma'naviy-ma'rifiy ishlar bo`yicha birinchi prorektor Xurshidbek Xodjamberdiyev boshchiligida sport seksiya rahbarlariga yig'ilish o'tkazildi.

Mazkur yig'ilishda prorektor talabalar ligasini munosib o'tkazishda puxta tayyorgarlik ko'rishlari bo'yicha mas'ullarga kerakli ko'rsatmalar berdi va universitet sport klubining moddiy-texnika bazasidan kelib chiqib, seksiya rahbarlariga sport jihozlari topshirdi.