Bugun, 1-sentabr kuni Andijon davlat universiteti rektori, professor Akramjon Yuldashev universitetga biriktirilgan “Qizil" toifadagi hamda ijtimoiy himoyaga muhtoj nogironligi boʻlgan yoshlar holidan xabar olish uchun Qorasuv shahrida bo'ldi.

Tashrif doirasida Mirzo Ulug'bek MFYlarida yashovchi 15 nafar ijtimoiy himoyaga muhtoj nogiron yoshlar holidan xabar olindi. Fuqarolar xonadoniga birma-bir kirib, xonadon egalarini Davlat Mustaqilligining 32 yilligi bilan samimiy qutlab, ularning kundalik ehtiyojlari uchun zarur hisoblangan oziq-ovqat mahsulotlari va qimmatbaho sovg'alar berildi.

O'rganish ishlari davomida universitet rahbari bemor fuqarolar va yoshlarni doim ravishda holidan xabar olib, muammolarini hal etishda doim tayyor ekanini bildirdi.