Andijon davlat universiteti Turkiyaning Izmir shahrida joylashgan Ege universiteti bilan hamkorlikda 2023/2024-o'quv yili uchun qo'shma ta'lim dasturi doirasida Biologiya (turlari bo'yicha) bakalavriat ta'lim yo‘nalishiga o'qishga taklif etadi.

Ushbu ta'lim yo'nalishiga 30 nafar O‘zbekiston fuqarolari va 10 nafar Turkiya fuqarolari “to‘lov-kontrakt” asosida qabul qilinishi belgilangan.

Mazkur yo'nalishga kirish imtihonlari joriy yilning 16-30-sentyabrga qadar 2 bosqichda o‘tkaziladi. 1-bosqichda mutaxassislik biologiya fanidan (og‘zaki) imtihon, 2-bosqichda Davlat test markazi tomonidan xorijiy til (turk tili) bo‘yicha abituriyentlar bilimi baholanadi. Turk tili bo‘yicha B2 va undan yuqori til sertifikatiga ega bo‘lgan abituriyentlar xorijiy til bo‘yicha test sinovlaridan ozod etiladi.

“QO‘SHMA TA’LIM DASTURI” (B-ÇDP) ga belgilangan me’yorlar asosida muvaffaqiyatli qabul qilingan talabalar dastlabki 2 yilini Andijon davlat universitetida, so'nggi 2 yilini esa Turkiya respublikasining Ege universitetida davom ettiradi va o'qishni muvaffaqiyatli tamomlagan talabalar qo‘sh diplom (O‘zbekiston Respublikasi va Turkiya davlati) diplomlariga ega bo‘ladilar.

Ta’lim olish istagida bo‘lgan abituriyentlar o‘z hujjatlarini Andijon davlat universitetining qabul offisiga yoki onlayn tarzda hamkor.adu.uz 2023-yilning 15-avgustdan 15-sentyabr kuniga qadar topshirishlari mumkin.

Qo‘shimcha ma'lumot uchun:

+998742248189 +998742248195

Ushbu havola orqali Ege universiteti bo'yicha qo'shimcha ma'lumot olishingiz mumkin.