Andijon viloyatida test sinovlari 1-avgust kunidan 14-avgust kuniga qadar ikki smenada o'tkazilishi belgilangan.

Andijon davlat universiteti ma'muriyati tomonidan Boburshox ko'chasida joylashgan "Olimpic" tantanalar saroyida test sinovlarida ishtirok etayotgan abituriyentlarning ota-onalari uchun qulay sharoit yaratildi. Ular salqin joylarda oʻtirib, to‘g‘ridan-to‘g‘ri jonli efirda imtihon da ishtirok etayotgan farzandlarini kuzatib bormoqdalar.

Shuningdek, abituriyentlar ota-onalarining test sinovlari haqidagi mulohazalari hamda imtihonlarning tashkil etilishi bilan bogʻliq  fikrlari bilan tanishish, takliflarini o‘rganish maqsadida universitet psixologi hamda sotsiolog volontyorlari tomonidan so‘rovnomalar oʻtkazildi. Bu, oʻz navbatida, jarayonlarni yanada ochiq va shaffof oʻtishiga zamin yaratadi.

Ayniqsa, psixologlar tomonidan olib borilayotgan qiziqarli treninglar, psixologik xizmatlar ota-onalarga koʻtarinki kayfiyat ulashmoqda.