Andijon davlat universitetida 2023/2024-o’quv yili uchun alohida iqtidor talab etiladigan yoʻnalishlar uchun kasbiy (ijodiy) imtihonlarning ikkinchi kuni boʻlib oʻtmoqda.

Bugun, 27-iyul kuni belgilangan grafik asosida futbol, boks, basketbol yoʻnalishlarining kunduzgi ta'lim shakliga hujjat topshirgan abituriyentlarga kasbiy (ijodiy) imtihonlar o'tkazilmoqda.

Ijodiy imtihonlarni adolatli va shaffof oʻtkazilishini vazirlikning masʼul xodimlari, universitetning korrupsiyaga qarshi kurashish “Komplayens – nazorat” tizimini boshqarish bo‘limi xodimlari nazorat qilib borishmoqda.

Abituriyentlarning ota-onalari imtihon jarayonlarini universitetning katta majlislar zalida o‘rnatilgan katta monitor orqali kuzatib borishmoqda.

Abituriyentlarga kerakli qulayliklar yaratilgan, shuningdek, jarayonga milliy gvardiya, ichki ishlar xodimlari hamda malakali tibbiyot xodimlari jalb qilingan.