Bugun, 26-iyul kuni Andijon davlat universitetida 7 ta taʼlim yoʻnalishi bo‘yicha, alohida iqtidor talab etiladigan taʼlim yoʻnalishlarida kasbiy (ijodiy) imtihonlar boshlandi.

Bugungi imtihonlar ikki smenada: 8:00 dan 18:00 gacha futbol, rangtasvir (dastgohli), badiy gimnastika ta'lim yo‘nalishlari bo‘yicha jami 109 nafar abituriyentlarning imtihon topshirishlari belgilangan.

Mazkur sinovlarni ochiq, shaffof va adolatli oʻtishi uchun Oliy ta'lim, fan va innovatsiyalar vazirligining mas'ul xodimi Qurbonnazar Ortiqov boshchiligidagi ishchi guruh hamda OAV xodimlari va taniqli jurnalistlar ishtirok etmoqda.

Abituriyentlarning ota-onalar uchun universitetning katta majlislar zalida kutish zali tashkil etilgan bo‘lib, ushbu zalda o‘rnatilgan katta monitor orqali  imtihon jarayonlarini to'g'ridan-to'g'ri kuzatib borishlari uchun qulay sharoit yaratilgan. Universitet hududida xavfsizlikni taʼminlash uchun Milliy gvardiya va Ichki ishlar xodimlari jalb etilgan.