Bugun, 25-iyul kuni Andijon davlat universitetining kichik majlislar zalida Oliy ta'lim, fan va innovatsiyalar vazirligining mas'ul xodimi Qurbonnazar Ortiqov boshchiligida 2023/2024-o'quv yili uchun bakalavriatning alohida iqtidor talab etiladigan yoʻnalishlarda kasbiy (ijodiy) imtihonlarning oʻtkazilishiga bagʻishlangan yigʻilish boʻlib oʻtdi.

Unda Andijon davlat universiteti, Andijon davlat pedagogika instituti rektori, prorektorlar, kasbiy (ijodiy) imtihon komissiya raislari va aʼzolari ishtirok etdi. 

Yig'ilishda Qurbonnazar Ortiqov tomonidan barcha bo'lib o'tadigan kasbiy (ijodiy) imtihon jarayonlarida mas'ullar sitqidildan yondashib, imtihonlarni ochiq, shaffof va adolatli o'tishini ta'minlashlari alohida ta'kidlandi.

Shuningdek, imtihon bo'lib o'tadigan hududlarda shaffofligini ta’minlash maqsadida o’rnatilgan kuzatuv kameralar, tele-video uskunalarning sozligi, abituriyentlarning ota-onalari uchun muassasa hududida toʻgʻridan-toʻgʻri imtihonlarni kuzatib borishlari uchun yetarlicha shart-sharoitlar yaratishda mas'ul xodimlarga tegishli koʻrsatmalar berildi.