Bugun, 4-iyul kuni Oliy ta’lim fan va innovatsiyalar vaziri o‘rinbosari Sarvarxon Buzrukxonov xizmat safari bilan Zahiriddin Muhammad Bobur nomidagi Andijon davlat universitetida bo‘ldi.

Dastlab, S.Buzrukxonov universitetda yangi qurilayotgan qo‘shimcha 1800 o'rinli o‘quv binosi hamda 600 o'rinli talabalar turar joyida olib borilayotgan qurilish jarayonlari bilan tanishdi. Obyektlardagi qurilish ishlari belgilangan talablar asosida sifatli yakunlash, qurilish materiallari, buyumlari va konstruksiyalarining xavfsizlik ko'rsatkichlariga alohida e'tibor berishligini taʼkidlab, kerakli tavsiyalarni berdi.

Shundan so'ng, oliygohda davlat-xususiy sheriklik asosida qad rostlagan 400 o'rinli talabalar yotoqxonasini ham ko'zdan kechirib, talabalar uchun yaratilgan sharoitlar bilan yaqindan tanishdi.