Andijon davlat universitetida 1-iyundan 30-iyunga qadar “Bilim va tafakkurimiz - shu el uchun, shu yurt uchun!” shiori ostida "Yoshlar oyligi" doirasida sport musobaqalari, tanlovlar, uchrashuvlar, gala konsertlar va boshqa ko‘plab loyihalar o‘tkazilishi belgilangan.

Bugun 5-iyun kuni Andijon davlat universitetining talabalar turar joylarida talabalarning bo'sh vaqtini mazmunli o'tkazish maqsadida "Yoshlar oyligi" doirasida sportning shaxmat-shashka, futbol, volleybol, stol-tennis turlari bo'yicha musobaqalar, psixologik trening, osh tanlovi va "Karaoke kechasi" tashkil etildi.

Universitetimiz talabalar turar joylarida yoshlarning maroqli va mazmunli dam olishlari uchun ma'naviy-ma'rifiy tadbirlar, sport musobaqalari belgilangan reja asosida 30-iyunga qadar davom etadi.