Andijon davlat universitetida talaba-yoshlarning quvnoqligi, zukkoligi kreativ fikrlash qobilyatini hamda universitet QVZ klubi faoliyatini yanada rivojlantirish maqsadida bugun, 10-may kuni katta majlislar zalida fakultetlararo talaba-yoshlar o'rtasida "Rektor kubogi" uchun "Quvnoqlar va Zukkolar" ko'rik tanlovi bo'lib o'tdi.

Tantanali tadbirni universitet rektori, professor Akramjon Yuldashev kirish so‘zi bilan ochib berdi va barcha jamoaga omad tiladi.

Tanlovda jami 5 ta jamoa 40 nafar talaba-yoshlar 3 ta shart asosida o'zaro bellashib, quyidagi natijalarni qo'lga kiritdi:

1-o'rinni Ijtimoiy-iqtisodiyot fakultetining "Iqtisod" jamoasi, 2-o'rinni San'atshunoslik fakultetining "Milliy-art" jamoasi, 3-o'rinni esa sirtqi bo'limi talabalarining "Amakivachchalar" jamoasi egalladi.

Tanlov so'nggida g'olib bo'lgan jamoaga universitet ma'muryati tomonidan rektor kubogi hamda 5 million, ikkinchi o'ringa 4 million, uchinchi o'ringa esa 3 million so'm pul mukofotlari tantanali topshirildi.