Joriy yilning 23-28-aprel kunlari Turkmaniston ta'lim vazirligi tashabbusi bilan Xalqaro gumanitar fanlar va taraqqiyot universitetida oliy ta'lim muassasalari talaba-yoshlari o'rtasida xalqaro ochiq matematika "OMOUS-2023" olimpiadasi bo'lib o'tdi.

Xalqaro ochiq olimpiadada 60 ta davlatdan jami 500 ga yaqin talabalar ichida O'zbekistonlik Andijon davlat universitetining 5 nafar talabalari ham ishtirok etdi.

Talaba-yoshlar olimpiada dasturida nazarda tutilgan yakkalik va jamoaviy bosqichlarda o‘zaro bahslashdi.

Quvonarlisi murakkab matematik masalalarni yechishda universitetimizning fizika-matematika fakulteti talabalari yakkalik bahslarda Akbarshox Muxammadjonov va Jamshid Xasanovlar kumush, Abduvali Xabibullayev bronza, jamoaviy bahslarda esa, universitetimiz talabalari bronza medalini qo'lga kiritib, ochiq matematika "OMOUS-2023" olimpiadasi  sovrindorlari bo'ldi.

Olimpiada sovrindorlari va ularning ustozlarini O'zbekistonning barcha yoshlari va universitet jamoasi nomidan qutlaymiz va kelgusida bundanda yuqori marralarni egallashida ulkan muvaffaqiyatlar tilaymiz!