“Inson qadri” ustuvor jamiyatda fuqarolarning mehnat jarayonidagi xavfsizligi, hayoti va sog‘ligi, ish qobiliyatining saqlanishini ta’minlash masalalari hamisha dolzarbligicha qoladi.

Bugun, 26-aprel Andijon davlat universitetida Mehnatni muhofaza qilish bo‘limi tomonidan universitet professor-o'qituvchilari va ishchi xodimlari uchun "28-aprel – Butunjahon mehnatni muhofaza qilish kuni" munosabati bilan seminar tashkil etildi.

Unda Andijon viloyati Kambag'allikni qisqartirish Bandlik bosh boshqarmasi inspektori I.Mamadaliyev, O'zbekiston kasaba uyushmalari Federatsiyasining Andijon viloyati Kengashi huquq inspektori X.Usmonov, Mehnatni muhofaza qilish xizmati mutaxassisi D.Qayumov, o'quv ishlari bo'yicha prorektor R.Mullajonov universitet professor-o'qituvchilari ishchi-xodimlari hamda talabalari ishtirok etdi.

Seminar davomida soha vakillari tomonidan xodimlarga mehnat muhofazasida qanday huquq va majburiyatlarga ega ekanliklari, ish beruvchiga qo‘yiladigan talablar birma-bir aytib o‘tilib, ish joyida yuzaga keladigan zararli omillardan o‘zni qanday himoyalash mumkinligi misollar bilan tushuntirildi.

Seminar so'nggida ishtirokchilar tomonidan berilgan savollarga soha mutaxassislari tomonidan atroflicha javob berildi.