O'zbek adabiyoti shunday chamanzorki, uning bo'stonida gul ko'p, chechak ko'p. Bu bo'stonda bir-biriga o'xshamaydigan, bir-birini takrorlamaydigan dilbar shoirlar avlodi qayta-qayta bo'y cho'zaveradi. Ana shunday shoirlarimizdan biri, shubhasiz O'zbekiston xalq shoiri Muhammad Yusufdir.

Bugun, 26-aprel kuni Andijon davlat universitetida shoir Muhammad Yusuf tavalludining 69 yilligiga bag'ishlangan adabiy-badiiy uchrashuv bo'lib o'tdi.

Uchrashuv avvalida filologiya fakulteti dekani Bahodir Rahmonov soʻzga chiqib, shoirning koʻngilga xush yoquvchi goʻzal satrlarga boy ijodi haqida hamda talaba-yoshlarga shoirning mazmunli hayot yoʻli toʻgʻrisida maʼlumot berdi.

Adabiy-badiiy kechada professor-o'qituvchilar va iqtidorli talaba-yoshlar tomonidan shoir qalamiga mansub she'rlar ijro etildi.

Tashkil etilgan ushbu adabiy-badiiy kechada shoir Muhammad Yusuf go'zal xotiralar bilan yodga olindi.