Kuni kecha Andijon davlat universitetining talabalar turar joylarida talaba-yoshlarning boʻsh vaqtlarini mazmunli tashkil etish maqsadida sport musobaqalari, zakovat intellektual o‘yini va madaniy-ma'rifiy tadbirlar tashkil etildi.

Dastur doirasida talaba-yigitlar o‘rtasida futbol, talaba-qizlar o‘rtasida voleybol va yoshlar o‘rtasida yakkalik zakovat intellektual o‘yinlari bo‘lib o‘tdi. Unda talabalar o’zlarining chaqqonlik, bilim va ko’nikmalarini sinovdan o‘tkazdi.

Talabalar turar joyining ma'naviyat zalida esa, “Humo” talabalar teatr studiyasi a'zolari navbatdagi spektakl namoyishiga fakultet dekani Ravshanbek Shamsutdinov boshchiligida astoydil mehnat qilib, tayyorgarlik ko‘rdilar.

Dasturda iqtidorli yoshlar tomonidan ijro etilgan vatanni madh etuvchi kuy-qo'shiqlar tadbir ishtirokchilariga ko'tarinki kayfiyat bag'ishladi.

Gulxan atrofida yoshlarni birlashtirgan bu oqshom barcha talabalarda katta taassurot qoldirdi.