Joriy yilning 17-aprel kuni Andijon davlat universitetining axborot resurs markazida “Referendum – 2023: Kelajaging uchun ovoz ber!” shiori ostida talabalar o‘rtasida Zakovat intellektual o‘yinlari bo'lib o'tdi.

Turnir avvalida Qurilish va uy-joy kommunal xoʻjaligi vazirligi mas'ul xodimi A.Ochilov  talaba-yoshlarga referendum tushunchasining mazmun-mohiyati, Yangi tahrirdagi Konstitutsiyada ta’lim va ilm-fan sohasidagi o‘zgarishlar, yoshlarni qo‘llab-quvvatlash bo‘yicha kiritilayotgan yangiliklar to‘g‘risida fikr bildirib o‘tdi.

O‘tkazilgan Zakovat intellektual o‘yinlarida 8 ta jamoada jami 50 nafardan ziyod talabalar ishtirok etdi.

"Zakovat" intellektual turnirining keyingi bosqichlarida siz ham oʻz jamoangiz bilan ishtirok etib, gʻoliblik uchun bahs olib boring!