Xabaringiz bor, talaba-yoshlar o'rtasida ma'naviy-ma'rifiy va tarbiyaviy ishlar samaradorligini oshirish, kitobxonlik va mutolaa madaniyatini keng targ'ib etish, kitobga bo'lgan qiziqishini yanada oshrish maqsadida "Kitobxon talaba" respublika ko'rik-tanlovini e'lon qilgan edik.

Joriy yilning 10-11-aprel kunlari Andijon davlat universitetining axborot resurs markazida "Kitobxon talaba" respublika ko'rik-tanlovining universitet bosqichi bo'lib o'tdi.

Tanlovda ta'lim muassasamizning barcha fakultetlaridan 50 nafarga yaqin talaba-yoshlar ishtirok etib, 3 ta shart bo'yicha g'oliblik uchun bor bilimlarini amalda namoyon qildilar.

Tanlovning yakuniy natijalariga ko‘ra:

1-o'rinni - Filologiya fakulteti 104-guruh talabasi Jamoldinova Risola 53.5 ball;
2-o'rinni - Pedagogika fakulteti 309-guruh talabasi Muharramoy Qambarova 50 ball;
3-o'rinni - Filologiya fakulteti 308-guruh talabasi Yusufbekova Siddiqa hamda Ijtimoiy–iqtisodiyot fakulteti 302-guruh talabasi Mushtariy Kozimjonova 45.5 ball.  

Universitet bosqichida g'olib bo'lgan talabalar universitet ma'muriyati tomonidan esdalik sovg‘alari bilan taqdirlandi. G‘olib talabalarimizni viloyat bosqichidagi ishtirokida omad tilaymiz!