Ayni kunlarda Respublikamiz boʻylab “Referendum 2023: Kelajaging uchun ovoz ber” shiori ostida targʻibot tadbirlari, davra suhbatlari, maʼnaviy-maʼrifiy va koʻngilochar konsert dasturlari tashkil etilmoqda.

Bugun, 4-aprel kuni Andijon davlat universitetining katta majlislar zalida “Yangi O‘zbekistonda yangi tahrirdagi Konstitutsiya” mavzusida targʻibot tadbiri o'tkazildi.

Ushbu targʻibot tadbirida O'zbekiston Respublikasi Oliy Majlisi Qonunchilik palatasi deputati U.Zokirova, O'zbekiston Respublikasi Qurilish va uy-joy kamunal xo'jaligi vazirligi vakili A.Ochilov, Oʻzbekiston Fanlar Akademiyasi Davlat va huquq instituti boʻlim boshligʻi M.Baratov, Oʻzbekiston Fanlar Akademiyasi Davlat va huquq instituti boʻlim boshligʻi A.Xudoyberdiyev, Andijon shahar hokimi maslahatchisi M.Qodirova, universitet xotin-qizlar masalalari bo’yicha maslahat kengashi raisi U.Ahmedova, Tabiiy fanlar fakultetining professor-oʻqituvchilari hamda 310 nafardan ziyod talabalar ishtirok etdi.

Tadbirda so‘zga chiqqanlar yangi tahrirdagi Konstitutsiyaning Yangi O‘zbekiston uchun ahamiyati, unga kiritilayotgan qo‘shimcha va o‘zgarishlar xalqimizning turmush tarzini yanada yaxshilash, inson qadrini yuksaltirishga xizmat qilishini o‘z faoliyatlari misolida ta’kidlab o'tdilar.

Tadbir yakunida barcha qatnashchilarni mamlakatimizni rivojlantirishning uzoq muddatli strategiyasi, xalqimiz farovon hayotining kelajakdagi mustahkam huquqiy asosi hisoblangan yangilanayotgan Konstitutsiya boʻyicha joriy yilning 30-aprel kuni bo‘lib o‘tadigan referendumda faol ishtirok etishga chorladi.