Mehr-muruvvatli va bagʻrikeng xalqimiz azal-azaldan yordamga muhtoj, imkoniyati cheklangan insonlarga eʼtibor va gʻamxoʻrlik koʻrsatishni jamiyatda tinchlik, doʻstlik va hamjihatlikni mustahkamlashga xizmat qiladigan eng muhim qadriyatlardan biri sifatida eʼzozlab keladi.

Bugun, 29-mart kuni Andijon davlat universiteti ma'muriyati tomonidan "Madaniyat va yoshlar oyligi" doirasida Asaka tumanida istiqomat qilayotgan imkoniyati cheklangan fuqarolarning holidan xabar olinib, iftorlik dasturxoni tashkil etildi.

Tadbir doirasida Obod, Bobur, Qoraqiy va Nurafshon MFYda yashovchi 32 nafar imkoniyati cheklangan oilalar holidan xabar olinib, ularning yashash sharoitlari oʻrganildi hamda ularga amaliy yordam koʻrsatildi.

Shundan so'ng, Obod mahalla fuqarolar yig'inida mana shunday oila vakillari va nuroniylar uchun dasturxon yozilib, unga xalqimizning milliy shoh taomi – osh tortildi.

Andijon davlat universiteti tomonidan bunday xayr-saxovat tadbirlari viloyatning boshqa hududlarida ham oʻtkazilishi belgilangan.