Xabaringiz bor, Andijon davlat universitetida "Yoshlar va madaniyat" oyligi doirasida talabalarning bo’sh vaqtlarini mazmunli o’tkazish maqsadida turli musobaqalar, madaniy tadbirlar va tanlovlar o'tkazilmoqda.

Kuni kecha Andijon davlat universitetining uchinchi talabalar turar joyida "Yoshlar va madaniyat" oyligi doirasida talaba-qizlar o'rtasida  “Pazanda qizlar" koʻrik-tanlovi o'tkazildi.

Tanlov doirasida TTJda istiqomat qiluvchi 10 dan ziyod qizlar turli shirinliklar va salat tayyorlash bo'yicha o'z mahoratlarini namoyish qildilar.

Tanlovning yakuniy natijalariga ko'ra, Fizika-matematika fakulteti talabasi Barchinoy Omonova 1-o'rinni, Muxlisa Ibrohimova 2-o'rinni, Munisa Holqo'ziyeva 3-o'rinni, Mohlaroyim Keldiboyeva esa 4-o'rinni egalladi.

Gʻolib va sovrindor talaba-qizlar universitet ma'muriyati tomonidan diplom hamda esdalik sovg'alari bilan taqdirlandi.