Joriy yilning 28-fevral kuni Andijon davlat universitetining ikkinchi talabalar turar joyida “8-mart - Xalqaro xotin-qizlar kuni” munosabati bilan ta’lim muassasamizda tahsil olayotgan talaba-qizlarni mustaqil oilaviy hayotga har tomonlama tayyorlash hamda ularning boʻsh vaqtlarini mazmunli tashkil etish maqsadida xotin-qizlar masalalari boʻyicha maslahat kengashi tomonidan “Qizlar davrasi” tanlovining fakultetlararo bosqichi bo’lib o’tdi.

Unda Tarix, Ijtimoiy-iqtisodiyot hamda Fizika-matematika fakultetlarida tahsil olayotgan 14 nafar talaba-qizlar oʻrtasida saralash bosqichini kafedralardagi tajribali professor-oʻqituvchilardan iborat hayʼat tarkibi xolis va adolatli baholab bordi.

Koʻrik-tanlov davomida qizlar pazandachilik, maishiy sohadagi bilim va malakalari, badiiy adabiyot mutolaasi, oʻz qiziqishlari va ijodkorlik mahoratlari boʻyicha oʻzaro bellashdilar.

Eslatib oʻtamiz, koʻrik-tanlovning fakultet gʻolibаlari oʻrtasidagi yakuniy universitet bosqichi 4-mart kuni asosiy binoda joylashgan katta majlislar zalida oʻtkaziladi.