Bugun, 1-mart kuni Andijon davlat universitetining uchunchi maʼruzalar zalida Andijon viloyati FVB qoshidagi Hayot faoliyati havfsizligi bo'limi vakillari tomonidan "Aholi va hududlarni favqulodda vaziyatlardan muhofaza qilish" mavzusida oʻquv-seminar boʻlib oʻtdi.

O'quv seminarda viloyat FVBning Isteʼfodagi podpolkovnik Ilhomjon Xamraboyev, Hayot faoliyati fanining katta oʻqituvchisi Akmaljon Roʻziyev, shahar DYX inspektori Nuriddin Ikromov, universitet mehnatni muhofaza qilish boʻlimi boshligʻi Shuxratbek Qoʻzibekov va talabalar ishtirok etdi.

Seminar davomida, mutaxassislar tomonidan aholi va hududlarni favqulodda vaziyatlardan muhofaza qilish sohasida respublikada qabul qilingan meʼyoriy hujjatlarning mazmun mohiyati qisqacha tanishtirildi va aholini va hududlarni favqulodda vaziyatlardan muhofaza qilishning huquqiy asosini tashkil etuvchi hujjatlar borasidagi bilimlarini oshirish bo'yicha tushunchalar berildi.

Ushbu seminar yakunida ishtirokchilar tomonidan berilgan savollarga soha mutaxassislari tomonidan atroflicha javob berildi.