Bugun, 23-fevral kuni Andijon davlat universitetining ikkinchi talabalar turar joyida talabalarning boʻsh vaqtlarini mazmunli tashkil etish maqsadida maʼdaniy-maʼrifiy kecha oʻtkazildi.

Tadbir davomida talabalar turar joyida istiqomat qilayotgan talabalar o’rtasida o’tkazilgan “Zakovat” intellektual o’yini g’oliblari, "Eng naʼmunali xona" nominatsiyasi hamda @ADUtalaba24 platformasida oʻtkazilgan "Mening talabalik davrim" nomli tanlovlarda g’olib bo’lgan talaba-yoshlar universitet ma’muriyati tomonidan diplom hamda esdalik sovg’lari bilan taqdirlandi.

Tadbir davomida universitetning iqtidorli talabalari tomonidan bayramona shoʻx kuy-qoʻshiqlar, raqslar ijro etildi va barchaga yuqori kayfiyat bagʻishladi.

Yoshlar bilan ishlash, maʼnaviyat va ma'rifat boʻlimi hamda Yoshlar ittifoqi boshlangʻich tashkiloti hamkorligida tashkil etilgan tadbir barchaga birdek manzur boʻldi.