"8-mart - Xalqaro xotin-qizlar kuni" munosabati bilan, talabalar turar joylarida yashovchi talaba-qizlarni mustaqil oilaviy hayotga har tomonlama tayyorlash, ularning bo‘sh vaqtlarini mazmunli tashkil etish maqsadida, universitet xotin-qizlar kengashi tomonidan "Qizlar davrasi" ko‘rik-tanlovini o‘tkazilishi e’lon qilinadi.

Ko‘rik-tanlov davomida qizlar pazandachilik, maishiy sohadagi bilim va malakalari, badiiy adabiyot mutolaasi, o‘z qiziqishlari va ijodkorlik mahoratlari bo‘yicha o‘zaro bellashadilar.
Tanlovda qatnashish istagida bo‘lgan talaba-qizlar o‘zi tahsil olayotgan fakultet dekanining xotin-qizlar masalalari bo‘yicha maslahatchisiga murojaat qilishlari lozim.

Ko‘rik-tanlovning fakultetlararo bosqichi joriy yilning 24-fevral kunidan 1-mart kuniga qadar, g‘oliblar o‘rtasidagi yakuniy universitet bosqichi esa 4-mart kuni asosiy binoda joylashgan katta majlislar zalida bo'lib o'tadi.

“Qizlar davrasi” ko‘rik-tanlovi g‘oliblari universitet rektori tomonidan diplom va qimmatbaho esdalik sovg‘alari bilan taqdirlanadi.