Joriy yilning 11-fevral kuni Andijon viloyati xotin-qizlar boshqarmasi tomonidan tashkil etilgan "Ilm-fan sohasidagi ayollar va qizlar xalqaro kuni" ga bag‘ishlangan "Olima va tadqiqotchi xotin-qizlar" tanlovining taqdirlash marosimi tashkil etildi.

Andijon davlat universitetining  bir guruh xotin-qizlari ham o'zlarining ixtirolari va innovatsion mahsulotlari bilan ishtirok etib, quyidagi nominatsiyalar boʻyicha taqdirlandilar:

Axborot texnologiyalari kafedrasi oʻqituvchisi Otaboyeva Sevara – “Eng yaxshi EHM uchun dastur va maʼlumotlar bazasi” muallifi;
Oʻzbekiston tarixi kafedrasi oʻqituvchisi Qoʻchqorova Zulxumor – “Huquqshunoslik yoʻnalishidagi eng yaxshi innovatsion loyiha” muallifi;
ADU Axborot xizmati jurnalisti Oqqoʻziyeva Maxsuma – “Tibbiyot yoʻnalishidagi eng yaxshi innovatsion loyiha” muallifi;
Folklorshunoslik va dialektologiya yoʻnalishi 1 bosqich magistranti Sotvoldiyeva Moxinur – “Eng yaxshi maqola muallifi”;
Fizika-matematika fakulteti 4-kurs talabasi Qosimjonova Hamidaxon – “Pedagogika boʻyicha eng yaxshi innovatsion loyiha” muallifi.

Tanlovda taqdirlangan olima va tadqiqotchi xotin-qizlarimizni Universitetimiz jamoasi nomidan samimiy qutlaymiz va kelgusi faoliyatlarida ulkan zafarlar tilaymiz!