Xabaringiz bor, Andijon davlat universiteti qo‘shma ta'lim dasturi asosida 3 ta yetakchi xorijiy oliy ta'lim muassasalari bilan hamkorlik qilib kelmoqda.

Bugun, 13-fevral kuni universitetning kichik majlislar zalida qo‘shma ta'lim dasturida tahsil olayotgan hozirda chet davlatda o‘qishni davom ettirayotgan talabalar bilan onlayn zoom dasturi orqali uchrashuv tashkil etildi.

Mazkur uchrashuvda universitetimiz prorektorlari, mas'ul kafedra mudirlari, xalqaro bo‘lim mas'ullari va xorijiy oliy ta'lim muassasalari talabalari ishtirok etdi.

Uchrashuv davomida Qo’shma ta’lim dasturida o’qishni davom ettirayotgan talabalarni qiynayotgan masalalar, qishki semestr imtixon natijalari, yotoqxonalardagi shart-sharoitlar haqida suhbat olib borildi.

Ma'lumot o‘rnida, hozirda xorijiy oliy ta'lim muassasalarida 120 nafar talaba beshta ta'lim yo‘nalishi bo‘yicha tahsil olmoqda.

Uchrashuv so‘nggida talabalarning takliflari, fikr-mulohazalari tinglandi va kelgusi o‘quv jarayonida qilinishi lozim bo‘lgan ishlar rejalashtirib olindi.