Xabaringiz bor, Andijon davlat universitetida “Yilning eng faol talabalar teatr studiyasi” tanlovi haqida e'lon bergan edik.

Bugun, 7-fevral kuni Andijon davlat universitetining faollar zalida ushbu tanlovning universitet bosqichi bo'lib o'tdi.

Mazkur tanlovda fakultetning 12 nafar talabalaridan tashkil topgan jami 4 ta jamoa ishtirok etib, g'oliblik uchun o'zlarining bor mahoratlarini namoyish etdilar.

Ushbu tanlovda fakultet mas'ullari tomonidan millatimizga xos goʻzal udumlar, oʻlmas qadriyatlar ziynatini oʻziga xos tarzda tarannum qilgan "Kunduzsiz kechalar" , "Arshin Malolon' nomli spektakllar talabalar tomonidan sahnalashtirildi.

O'tkazilgan tanlovning yakuniy natijalariga ko'ra:

1-oʻrin Sanʼatshunoslik fakultetining "Qaqnus" jamoasi
2-oʻrin Filologiya fakultetining "Hurriyat" jamoasi
3-oʻrin Tabiiy fanlar fakultetining "Ekostudy" jamoasi egalladi.

Tadbir so'nggida g’olib bo’lgan jamoa universitet rahbariyati tomonidan tashakkurnoma va esdalik sovg'alari bilan taqdirlandi.