Xabaringiz bor, Andijon davlat universitetida 20-yanvardan boshlab, 2022-2023-o‘quv yilining birinchi semestri uchun yakuniy nazorat turlari bo‘yicha belgilangan grafik asosida imtihon jarayonlari boshlangan.

Kuni kecha universitetimizning korrupsiyaga qarshi kurashish "Komplayens nazorat" tizimini boshqarish bo'limi tomonidan fakultetlarda bo‘lib o‘tayotgan yakuniy nazorat imtihonlari davomida korrupsion holatlarni kelib chiqishini oldini olish maqsadida Tabiiy fanlar, Filologiya, Fizika-matematika, Jismoniy madaniyat, Pedagogika, San'atshunoslik, Ijtimoiy-iqtisodiyot, Tarix fakultetlarida nazorat tadbirlari o'tkazildi.

Ushbu nazorat tadbirlarida dekan, dekan orinbosarlari, kafedra mudirlari va tyutorlar ishtirok etdi.

O‘rganish so‘nggida bo'lim boshlig‘i A.Akbarov tomonidan mas'ul rahbarlarga yakuniy nazoratlarni adolatli va shaffof o'tkazilishi, talabalar bilimini to'g'ri va haqqoniy baholash kerakligi bo'yicha ko'rsatmalar berib o'tildi.