Bugun, 19- dekabr kuni Andijon davlat universitetida Yoshlar bilan ishlash, maʼnaviyat va maʼrifat bo'limi hamda Yoshlar ittifoqi boshlang'ich tashkiloti tashabbusi bilan "UNIVERSAL" terma jamoasining "Universal shou 2022" konsert dasturi tashkil etildi.

Dastlab, tadbirni universitet birinchi prorektori A'zamjon Hamraqulov o'z so'zi bilan ochib berdi va rektor Akramjon Yuldashev tomonidan universitet reytingini oshirishga hissa qo'shgan sirtqi bo'limining 22 nafar iqtidorli talabalari hamda “Zakovat” Intellektual olimpiadasi doirasida Breyn-ring turnirida g'alaba qozongan Andijon davlat universiteti jamoasi talabalari esdalik sovg'alari hamda sertifikat bilan taqdirlandi.

Shundan so'ng, sport bo'yicha sovrindor bo'lgan iqtidorli talabamiz o'zining sahnaviy chiqishlarini taqdim etdi.

Tadbir davomida kunning asosiy qahramonlari bo'lmish "Quvnoqlar va Zukkolar" "Universal" terma jamoasining chiqishlari bo'lib o'tdi. QVZ terma jamoasining tesha tegmagan hazilllari, ko'ngilochar shoular va iqtidorli talabalar tomonidan ijro etilgan kuy-qo'shiqlar yig'ilganlarga xush kayfiyat ulashdi.

Tashkil etilgan "Universal shou 2022" konsert dasturi barchaga birdek manzur bo'ldi.