Bugun, 16-dekabr kuni Andijon davlat universiteti filologiya fakultetida rus tili va adabiyoti kafedrasi professor-o'qituvchilari "Mutolaaga bo'lgan mehr-ma'naviy barkamollik belgisi" mavzusida talaba-yoshlar o'rtasida ma'naviy-ma'rifiy tadbir o'tkazdi.

Tadbirda filologiya fakulteti dekan o'rinbosarlari, rus tili va adabiyoti kafedrasi professor-o'qituvchilari, tyutorlar va talabalar ishtirok etdi.

Tadbirda kitobxonlikning bugungi kundagi ahamiyati, ma'naviyatda tutgan o'rni borasida fikr mulohazalar bildirib o'tildi. Shu bilan bir qatorda talaba-yoshlar orasida savol-javob va viktorinalar tashkil etildi.

Tadbir davomida talabalar tomonidan ko'ngilochar kuy-qo'shiqlar kuylandi, raqslar ijro etildi. Rang-barang badiiy chiqishlar yig'ilganlarga xush kayfiyat ulashdi.

Tadbir yakunida faol ishtirok etgan iqtidorli talaba-yoshlar fakultet rahbariyati tomonidan esdalik sovg'alari hamda fakultet dekanining tashakkurnomasi bilan taqdirlandi.