Kuni kecha mamlakatimizda “3-dekabr - Xalqaro nogironlar kuni” munosabati bilan turli tadbirlar, aksiyalar va uchrashuvlar tashkil etildi. Bu borada qator amaliy ishlar olib borildi.

Shu jumladan, Andijon davlat universitetida ham ushbu sana munosabati bilan ma'naviy-marifiy tadbir tashkil etildi.

Ushbu tadbirda universitet prorektorlari, fakultet dekanlari, dekan o'rinbosarlari va talabalar-yoshlar ishtirok etdi.

Tadbirda universitetda tahsil olib kelayotgan 150 dan ziyod imkoniyati cheklangan talabalar universitet  xodimlar va talabalar kasaba uyushmasi bo'limi tomonidan esdalik sovgʻalari bilan taqdirlandi.

Bundan tashqari, imkoniyati cheklangan talabalar oʻrtasida “Eng yaxshi talaba” tanlovi gʻoliblari ham universitet rektori Akramjon Yuldashev tomonidan qimmatbaho sovgʻalar va faxriy yorliqlar bilan taqdirlandi.

Oʻtkazilgan tadbir yigʻilganlarda katta taassurot uygʻotdi. Zero, birdamlik va hamjihatlik har bir ishning bosh mezoni boʻlmogʻi zarur.