Joriy yilning 1-dekabr kuni universitetning katta majlislar zalida 3-dekabr “Xalqaro nogironlar kuni” munosabati bilan tadbir tashkil etildi.

Mazkur tadbirda oliygohimizning ustoz-murabbiylari, talaba-yoshlari hamda viloyatda joylashgan “Muruvvat” muassasalarida istiqomat qilayotgan nogironligi bor yoshlar va keksalar ishtirok etdi.

Tadbir ko’tarinki kayfiyatda boshlandi desak mubolag’a bo’lmaydi. Sababi tadbirda yangragan kuy-qo’shiqlar insonga o’zgacha zavq bag’ishladi. Tadbir qatnashchilari uchun madaniy hordiq ulashuvchi ushbu kechada xushovoz xonanda Murodil Hakimov o’zining diltortar kuylari bilan sahnaga o’zgacha shukuh ulashdi.

Tadbir yakunida esa “Muruvvat” uylaridan tashrif buyurgan imkoniyati cheklangan nuroniylarga universitet rahbaryati tomonidan esdalik sovg’alar topshirildi