Xabaringiz bor, Andijon davlat universiteti ijtimoiy-iqtisodiyot fakultetida "17-noyabr - Butunjahon talabalar kuni" hamda universitetda "Yoshlar haftaligi" doirasida "Dekan kubogi" uchun talabalar o'rtasida mini futbol musobaqasiga start berilgan edi. Bugun, 9-noyabr kuni mazkur musobaqaning final uchrashuvi bo'lib o'tdi.

Ushbu musobaqada fakultetning barcha yo'nalishlaridan tashkil topgan 16 ta jamoa maydonda murosasiz bahs olib bordi.

Musobaqaning yakuniy natijalariga ko'ra:

1-o'rin - Pedagogika psixologiya yo'nalishi 3-bosqich talabalari jamoasi
2-o'rin - Milliy g'oya yo'nalishi 4-bosqich talabalari jamoasi
3-o'rin - Turizm yo'nalishi 2-bosqich talabalari jamoasi

Qiziqarli bo‘lib o‘tgan uchrashuv so'nggida g'olib jamoalarga fakultet dekanining tashakkurnomasi, esdalik sovg'alari, 1-o'rinni egallagan jamoaga esa "Dekan kubogi" tantanali topshirildi.

Musobaqada mutloq g'olib bo'lgan jamoa a'zolarini qutlaymiz va kelgusidagi ilmiy faoliyatlariga ham omad tilaymiz!