Bahor- bizlarga bebaho bayramlar tortig' etuvchi fasl.
Undagi ayyomlardan biri bu albatta, Navroʻzi olamdir.

Yoshu-qari, erkagu-ayol birdek sog'inib,sabrsizlik bilan kutguvchi Navroʻzning kirib kelishi, gashti bo'lakcha.
Qahraton qishning quchogʻidan qutilgan ko'klamoyning sochgan ko'klaridan lazzatbaxsh milliy taomlarimiz tayyorlanadi, xalqimizning tantiligiga mos va hos boʻlgan katta doshqozonlarida mo'tabar taom- sumalaklar qaynaydi.
Xullas, bu bayramning zavqu-shavqi o'zgacha.
Muhtaram yurtboshimizning "Navro‘z umumxalq bayramiga tayyorgarlik ko‘rish va uni o‘tkazish to‘g‘risida»gi qaroriga muvofiq Andijon Davlat Universitetining rektori Akramjon Yo'ldoshev boshchiligida Pedagogika va Tarix fakultetlarining barcha professor-o'qituvchilari Navroʻz sayllariga "start" berdilar.
Ushbu uyushgan ulkan jamoa Andijonimizdagi so'lim maskanlardan biri - "Bog'i Bobur"ga tashrif buyurdilar.
Universitetimizning ustozlari nafaqat zo'r o'qituvchilik mahoratiga ega ekanliklarini balki, mohir oshpaz va pazanda ekanliklarini ham tayyorlab kelgan tansiq bahoriy taomlari va shirinliklari bilan namoyish qildilar.
Andijon davlat universiteti rektori o'z hamkasb jamoadoshlarini bayram bilan samimiy qutladi. Yangilanish faslida ulardan yangidan- yangi zafarlar kutayotganini ta'kidlab o'tdi.

Milliy o'rindiqlarimiz bo'lgan- qator so'rilarni barchasini band qilgan ziyokorlar , bir piyola choy ustida dildan gurunglashdilar.
Pedagogika fakulteting dekani Charosxon Shokirova barchani bayram bilan tabriklab so'zga chiqdi, so'ngra o'qituvchilarni raqsga chorladi.
Davraga bayramona shukuhni olib kirishda pedagogika fakultetining yoshlar ittifoqi yetakchisi Ilhomjon Boltaboyevning hissasi katta bo'ldi. U bezagan milliy ruhdagi davra va tashkillashtirgan bayram dasturi hammaning e'tirofiga sazovar bo'ldi.
Barcha musiqiy ta'lim yo'nalishining mahoratli san'atkor ustozlari ijro etgan kuy-u qo'shiqlaridan bahramand bo'ldilar.
Bayram qosh qoraygunga qadar davom etdi.