Bugun, 7-noyabr kuni Andijon davlat universitetining kichik majlislar zalida o'quv ishlari bo'yicha prorektor Rustamjon Mullajonov "Ta'lim sifatiga ta'sir ko'rsatayotgan salbiy omillar va ularni bartaraf etish choralari" mavzusida tarix fakulteti professor-o'qituvchilari bilan uchrashuv tashkil etdi.

Prorektor universitetning O'zbekiston tarixi, Jahon tarixi hamda Fuqarolik jamiyati nazariyasi  fakultetlarining professor-o'qituvchilari bilan o'zaro fikr almashib, ta'lim jarayonlarida sohaga oid qilinishi lozim bo'lgan ishlar bo'yicha ko'rsatmalar berib o'tdi.

Ushbu uchrashuv universitet faoliyatiga oid turli masalalar muhokama etildi va oldini olish choralari belgilandi. Bundan tashqari, oliygoh ichki tartib qoidalariga qat'iy amal qilish masalasiga ham alohida to'xtalib o'tildi.  

Shu bilan bir qatorda ta'lim jarayonlarida korrupsion holatlarning oldini olish, o'quv jarayonlarining shaffofligin ta'minlash, qolaversa, bu borada talabalar hamda universitet professor-o'qituvchilari orasida targ'ibot ishlarini olib borish lozimligi ham alohida ta'kidlab o'tildi.