Joriy yilning 28-oktabr kuni Andijon davlat universitetining 1-ma'ruzalar zalida O'zbekiston Respublikasi Prezidenti huzuridagi Davlat xizmatini rivojlantirish agentligi Andijon viloyati boshqarmasi bilan hamkorlikda bitiruvchi bosqich talabalarni bandligini taminlash bo’yicha uchrashuv tashkil etildi.

Ushbu uchrashuv universitetimizdagi bitiruvchi bosqich talaba-yoshlarni ish bilan ta'minlash masalasiga bag'ishlangan bo'lib, u Davlat xizmatini rivojlantirish agentligi Andijon viloyati boshqarmasi boshlig'ining o'rinbosari tomonidan tashkil etildi.

Mazkur uchrashuvda universitetimiz o'quv ishlari bo'yicha prorektor Rustamjon Mullajonov, bo'lim boshliqlari hamda tarix, maktabgacha ta'lim, ijtimoiy-iqtisodiyot fakultetining 120 dan ziyod bitiruvchi bosqich talabalari ishtirok etdi.

Suhbat davomida mutaxassislar tomonidan talabalarga qanday qilib ishga joylashish hamda o'z ish faoliyatini yo'lga qo'yish borasida muhim ma'lumotlar berib o'tildi.