Joriy yilning 27-oktabr kuni Andijon davlat universitetining yozgi "Arena"sida tabiiy fanlar fakulteti tyutorlari tashabbusi bilan "Dekan kubogi" uchun talabalar o'rtasida sportning mini futbol turi bo'yicha musobaqa bo'lib o'tdi.

Ushbu musobaqada fakultetning ekologiya va atrof-muhit muhofazasi yo'nalishi, oziq-ovqat texnologiyasi, kimyo va biologiya hamda geografiya yo'nalishlari talabalaridan tashkil topgan 8 ta jamoalar maydonda murosasiz bahs olib bordilar.

Musobaqaning yakuniy natijalariga ko'ra:

1-o'rin - "Geograflar" va "Ximiklar"
2-o'rin - "Ecostudy"
3-o'rin - "Biologlar"

Qiziqarli bo‘lib o‘tgan uchrashuv so'nggida g'olib jamoalarga fakultet dekanining tashakkurnomasi, esdalik sovg'alari hamda 1-o'rinni egallagan "Geograflar" va "Ximiklar" jamoalariga dekan kubogi tantanali topshirildi.

Musobaqada mutloq g'olib bo'lgan"Geograflar" va "Ximiklar" jamoa a'zolarini qutlaymiz va kelgusidagi ilmiy faoliyatlariga ham omad tilaymiz!