Bugun, 24-oktabr kuni Andijon davlat universitetiga O’zbekiston yoshlar ishlari agentligi volontyorlar bilan ishlash bo'limi mutaxassisi Elyorbek Norpo'latov tashrif buyurdi.

Ushbu tashrif davomida Yoshlar ishlari agentligi mutaxassisi talaba-yoshlar bilan muloqot o'tkazdi, ularning muammolarini o’rgandi va talabalarga yaratilgan sharoitlar bilan yaqindan tanishdi.

Shundan so'ng, mas'ul rahbarlar hamrohligida 1- va 2-talabalar turar joylarida bo’lib, talabalarning yashash sharoitlari, yaratilgan imkoniyatlar hamda kamchiliklar o'rganildi. Bundan tashqari, birinchi talabalar turar joyidagi yangi tashkil etilgan fitnes klub va karaoke xonasini ham ko'zdan kechirdi.

Elyorbek Norpo'latov tashrif davomida 2-talabalar turar joyida o'tkazilayotgan "Osh chempionati"da ham ishtirok etib, munosib nomzodlarni tanlashda va ularni taqdirlashda marosimida qatnashdi.