Bugun, 13-oktabr kuni Andijon davlat universitetiga "Smart English" oʻquv markazi vakillari bilan birgalikda chet ellik mutaxassislar tashrif buyurdilar.

Universitetimiz talabalari uchun chet tillarini rivojlantirish mavzusida seminar trening o'tkazishni rejalashtirilgan mehmonlarni universitet oʻquv ishlari boʻyicha prorektori Rustamjon Mullajonov kutib oldi.

Dastlab, Rustamjon Mullajonov xorijlik mutaxassislar bilan uchrashdi va universitet faoliyati, ta'lim muassasamizda talaba-yoshlar uchun yaratilgan shart-sharoitlar haqida maʼlumotlar berdi. Prorektor hamkorlik istiqbollaridan mamnun ekanligini ham bildirib o'tdi.

Shundan so'ng, "Smart English" oʻquv markazi bilan hamkorlikda universitet katta majlislar zalida talabalar uchun mutaxassislar Benjamin Mould, Robert Husbandlar tomonidan chet tilini o'qitish boʻyicha master klass darslari o’tildi. Talabalar seminar davomida soha mutaxassislari bilan o’zaro fikr almashdilar.

Mana shu kabi uchrashuvlar talaba-yoshlarning chet tillarini o'rganish borasidagi ko'nikmalarni hosil qilishi uchun dasturulamal boʻlib xizmat qiladi.